Salira kembang endah panglamunan
Mepende hate nu tas lila teu dipalire
Rasa bagja nu kasorang mabra lir bentang nu baranang
Rasa kadeudeuh, rasa kaheman
Nail ngahiji silih titipkeun ati
Kapicangcam ku janji pasini
Hawar-hawar ngegulikna soanten salira meupeuskeun rasa
tunggara jeroning dada
Peperngian eunteup dina jeroning ati
Teu leupat, teu linglung kuring miati salira
Deudeuh..
Salira ulah ngejat udar tina tali duriat
Pait amis nu nyanghareupan urang sorang paduduaan
