Haritaning kuring sumping munjungkeun ati nu kabandang
Nganti-nganti nu dipiati, ngaharewoskeun wartos kanu diantos
Ngaraketkeun tali mimitran nu tas liola sewing-sewangan,
nagalayeutkeun ati, sauyunan manah
Babarengan ngaheuyeuk geugeut
Satuhu saestu na pangharepan nu keur dituju
Hatur nuhun ka salira nu tas narima
Tempat nyandingkeun ati nu moal lanca-linci
Tempat panglipur kalbu, pangbeubeurah manah
Estuning natrat ning bagja endah karasa
Poe harita kuring patepung lawung dihiji kampong
Poe harita lalakon carita kaasih urang dua-an nu munggaran
